icono teléfono 881 995 230
icono sobre info[@]comercioruralgalego.es
Xunta de Galicia, Consellería de Economía e Industria - Dirección Xeral de Comercio (ábrese nunha nova ventá)

Novas

ECONOMÍA E INDUSTRIA INVISTE 2,6 MILLÓNS DE EUROS NA REXENERACIÓN DO TECIDO COMERCIAL E NO FOMENTO DA REDE DE COMERCIO RURAL GALEGO A TRAVÉS DE AXUDAS PARA 2009

19-02-2009
 O DOG publica hoxe as subvencións para comerciantes polo miúdo que abandonen a actividade e as dirixidas a mellorar a dotación comercial no medio rural coa creación de tendas multiservizo
A Cantina de Julia, en Salcedo, na Pobra do Brollón
A Consellaría de Economía e Industria, a través da Dirección Xeral de Comercio, publica hoxe no Diario Oficial de Galicia (DOG) as ordes de axuda dirixidas a pequenos comerciantes individuais autónomos que abandonen a actividade comercial mais a pequenos comerciantes ou promotores de comercios no rural que se adhiran á Rede de Comercio Rural Galego. Ambos programas execútanse en desenvolvemento do Plan de renovación e mellora do comercio galego para 2009 ao que a consellaría destina neste exercicio unha contía inicial de 27.240.000 euros, un 16% máis que o ano pasado. Deste orzamento xeral, Economía e Industria investirá 1 millón de euros na rexeneración do tecido comercial galego e 1,64 millóns euros a mellorar a dotación comercial no medio rural coa creación de tendas multiservizo dentro da Rede de Comercio Rural Galego.

A Consellaría de Economía e Industria impulsa desde 2007 a Rede de Comercio Rural como un modelo comercial axeitado á realidade do territorio do país, orientado a promover e potenciar a apertura de tendas multiservizo. O programa está dirixido, en concreto, á adecuación de novos establecementos comerciais radicados en concellos de menos de 5.000 habitantes ou en núcleos de 1.500, situados en municipios que non superen os cinco mil residentes; á rehabilitación e reforma dos existentes e mais á adquisición do equipamento preciso para mellorar o servizo aos consumidores. Así, a través desta orde de axudas, a consellaría ten por obxecto fomentar a adecuada dotación comercial no medio rural coa oferta de produtos de primeira necesidade e servizo de hostalería, así como promover a modernización dos locais e a adhesión ao Selo de Comercio Rural Galego. A dotación orzamentaria destinada neste exercicio ao fomento da Rede é de 1.640.000 euros. A subvención concedida poderá ser de ata o 70% do investimento, cun máximo de 90.000 euros.

Os requisitos que deberán cumprir os beneficiarios, entre outros, será a subscrición do compromiso de permanencia na Rede de Comercio Rural Galego durante 10 anos; realizar a rehabilitación do establecemento segundo o manual e o proxecto elaborado; ofrecer os produtos e servizos esixidos e someterse a auditorías periódicas. O prazo de recepción de solicitudes rematará o 31 de marzo de 2009.

Rexeneración do tecido comercial
A orde de subvencións a comerciantes polo miúdo que abandonen a actividade ten por obxecto fomentar o relevo xeracional dos empresarios próximos a acadar a idade de xubilación e a rexeneración do tecido empresarial do país, permitindo así poñer a disposición do mercado inmobiliario novos locais comerciais. Os beneficiarios deberán ter exercido a actividade comercial de forma ininterrompida durante os dez últimos anos, ter entre 60 e 64 anos, e estar dados de alta no réxime de traballadores autónomos da Seguridade Social nos últimos dez. A axuda consistirá nun pagamento anual de 10.000 euros ata que o beneficiario cumpra os 65 anos. Ademais, o cónxuxe colaborador poderá percibir o 50% do importe fixado para o titular. O orzamento destinado para a execución deste procedemento é dun millón de euros. O prazo de recepción de solicitudes rematará o 23 de marzo de 2009.

Por outra parte, o luns, 16 e o martes, 17, tamén en desenvolvemento do Plan de renovación e mellora do comercio galego para 2009, a Consellaría publicou no DOG as ordes para a modernización dos comercios situados en zonas rurais; para a mellora da calidade do comercio galego, para adecuación dos establecementos comerciais ao seu contorno competitivo, para asociacións de comerciantes; e a de axudas aos concellos para a modernización do comercio urbano. En todos estes casos, o prazo de recepción de solicitudes rematará o 18 de marzo de 2009.

Toda a información sobre as subvencións concedidas pola Dirección Xeral de Comercio pódense consultar na páxina web da Consellaría de Economía e Industria (www.conselleriaiei.org).
volver

Establecementos

A CANTINA DE JULIA

Enderezo:
Rúa da Carreira nº2 · 27338- Salcedo- Pobra do Brollón (Lugo)
Telf.: 982430222

Ampliar información sobre o establecemento: A CANTINA DE JULIA

A CASA DO QUIN

Enderezo:
Pepín nº40 · 32625 - Castrelo do Val(Ourense)
Telf.: 988419215

Ampliar información sobre o establecemento: A CASA DO QUIN

A DE BERNARDINO

Enderezo:
Vilares nº11, Bora 36154- Pontevedra (PONTEVEDRA)
Telf.: 986859328

Ampliar información sobre o establecemento: A DE BERNARDINO

A DE MARUJA

Enderezo:
Lugar de A Chá nº4 ·15391 Carres- Cesuras (A Coruña)
Telf.: 981790050

Ampliar información sobre o establecemento: A DE MARUJA
Rede de Comercio Rural Galego (Páxina de inicio)
Aviso Legal | Accesibilidade | Novas RSS